तुझ्या माझ्या आठवांचे
जाहले कि कोळसे
अजून कशाची व्हायची
राख बाकी आहे
तू परतल्या मार्गावरून
फिरुनी ना पाहिले
सुकलेल्या पाचोळ्याची मात्र
साथ बाकी आहे
भरजरी स्वप्नांची लत्करे
होऊन गेली
दरिद्री चांदण्याची अजूनही
रात बाकी आहे
तू सजवलेल्या भिंतींचा
रंग केव्हाच विटला
ओसाड शून्य स्वप्नाची
चौकट बाकी आहे
- सोनाली गाढवे देशमुख. दि. १७ सप्टेंबर २०१६
© सोनाली गाढवे देशमुख
No comments:
Post a Comment