पहाट...

काळोख निघाला ओलांडूनी कृष्णतीर 

वाजे राउळी चौघडा, विझे चांदण्यांची रांग…..
उगवला नारायण , सोनपाऊली उतरून
नवी पहाट नटली भक्तीत न्हाहून चिंब …… 

सारवल्या अंगणी माझ्या शुभ्र प्राजक्ताचा सडा
रांगोळीही  सांडली गं अंगणात स्वागताला ….
तुळशीवृंदावनीही साजे दिव्याची ती इवली वात 

येगं मंगल प्रहरी उंबरा ओलांडूनी आत …. 



- सोनाली गाढवे देशमुख. दि. २१ जुलै २०१४. 

© सोनाली गाढवे देशमुख.

Place - Wai Satara
Photo courtesy - Mr. Yashpal Wagh.

Morning at the spiritual place Wai 

आठवणींचा प्राजक्त.....

तुझ्या आठवणींचा प्राजक्त

माझ्या मनी फुलाला होता 

हे पाहून उंबर्यावर माझ्या 

क्षणभर सुर्य हि थोडा  रेंगाळला होता …… 

सांजवेळी अशा या मग 

आभाळानी  घेतल झुकतं माप 

आणि चंद्राच्या चांदण्यांना दिली 

अलगद करून मोकळी वाट ……

- सोनाली गाढवे देशमुख. दि. १९ जुलै २०१४. 

© सोनाली गाढवे देशमुख.

कवितेतला तू

माझ्या अश्रूंचा एक थेंब 

हळूच कवितेत जाऊन लपला ,

अन कवितेतला तू वाचून 

तोही मुक्यानेच रडला.…


- सोनाली गाढवे देशमुख. दि. १८ जुलै २०१४. 

© सोनाली गाढवे देशमुख.

तुझी जीवघेणी नजर  

खोलवर रुतलेली…… 
पापण्या आड दडून 
गालातल्या गालात हसलेली……. 

- सोनाली गाढवे देशमुख. दि. १७ जुलै २०१४. 

© सोनाली गाढवे देशमुख.

आठवणींची सर ...

आठवणींची सर अलगद येते , भूतकाळातल्या क्षणात हरवून जाते ,

ओलावतं हसू ओलावतात क्षण , ओलावतात पापण्या ओलावतं मन 

कठीण जात मग बाहेर पडताना , आठवणी मनाशी कुरुवळत स्वतःशीच झगडताना 

आभाळाचाही कंठ दाटून येतो मग , तो हि आज तसाच बरसतोय बघ …


- सोनाली गाढवे देशमुख. दि. १६ जुलै २०१४. 

© सोनाली गाढवे देशमुख.

तुझ्यातलीच मी व्हायचंय मला ....

ती  वाळूतली पाऊल खूण व्हायचंय मला

जिला तुझ्या स्पर्शाच वेड लागून जाईल

तो पहिल्या पावसाचा थेंब व्हायचंय मला

जो तुझ्या गालाच्या स्पर्शानी ओघळायचच विसरून जाईल

ते पाण्यातलं प्रतिबिंब व्हायचंय मला

ज्यात तू स्वतःला नकळत न्याहाळत राहशील

ते शुभ्र चांदणं व्हायचंय मला

जे अंधारातही तुझ्या डोळ्यात सामावून जाईल

तुझ्या गालावरचं खोडकर हसू व्हायचंय मला,
जे नकळत माझ्या रुसव्याच कारण बनून जाईल

ती हवीहवीशी आठवण व्हायचंय मला , 
जी नेहमी तुला एकटेपणा पासून दूर ठेवत राहील

तुझ्या पापणीतल गोड स्वप्न व्हायचंय मला

जे पाहताना गाली खळी उमटून जाईल

तो मोहक श्वास व्हायचंय मला

जो तुझ्या नसानसात सदैव सळसळत राहील



- सोनाली गाढवे देशमुख. दि. १५ जुलै २०१४. 

© सोनाली गाढवे देशमुख.

आस..

तो बघ किनारा लाटेच्या स्पर्शासाठी झुरतोय,

स्वताच अस्तित्व विसरून तिच्यातच हरवतोय…. 

तीच येणं जाणं नियतीनेच ठरवलेलं,

तरीही तिची आस बाळगून पाणावलेल्या डोळ्यांनी पाहतोय.… 

- सोनाली गाढवे देशमुख. दि. १४ जुलै २०१४. 

© सोनाली गाढवे देशमुख.